Noong 2019, inilunsad ng mga kabataan ang kampanyang #KamiNamanPo. Layunin nito na hikayatin ang 26 Annual Conferences na maghalal ng mga kabataan upang maging delegado at kabahagi sa gawain at mga desisyon sa Philippines Central Conference (PCC).
At nitong nakaraang 2022 Special Session ng PCC, hindi lamang naging delegado ang mga kabataan. Katulad ng ating panalangin, naging kabilang sina Vanessa Jane Dabay, Dave Uriel Angelo Rombaoa, at Krizza Castro ng Coordinating Council. Idagdag pa ang pagiging kabahagi ni Krizza Castro sa Board of Trustees.
Ganoon din, ang National United Methodist Youth Fellowship, kasama ng National United Methodist Women’s Society of Christian Service, Commission on Deaconess Service, National United Methodist Clergywomen Association, National Clergyspouses Association (mga organisasyong nasa ilalim ng Board of Women’s Work – Philippines Central Conference), National United Methodist Young Adult Fellowship, at United Media Channel TV, naipahayag natin ang ating mga panawagan sa PCC at sa mga kumakandidato sa pagka-obispo kung ano ang mga isyu na ating kinakaharap at kung paano ito pwedeng masolusyunan.
Sa pagpapatuloy ng ating mga ministeryo, dalangin natin ang sama-samang pagtutulungan ng buong iglesia para sa mga inklusibo at angkop na programa.
Kaya naman sa susunod na Philippines Central Conference, #KasamaTayo ng mga pastor at iba pang layko na maging parte ng pinakamalaking decision-making body ng ating simbahan.
0 Comments